УВАГА! УВАГА! УВАГА!

Шаноўныя жыхары нашага горада!

Ашмянскі краязнаўчы музей запрашае вас прыняць удзел у праекце-выставе аднаго дня

“Гісторыя мястэчка, якую расказалі яго жыхары”.

Усіх нас атачае безліч прадметаў. Часам зусім незаўважных, часам не зусім патрэбных, але калі пільна ўгледзецца ў іх, становіцца зразумелым: на іх ўспамінамі занатаваная гісторыя нашага горада і краю. Нашая гісторыя.

Надбіты сподачак можа расказаць пра часы дефіцыту і чэргі ў ашмянскіх крамах. Каляровы вымпел – пра спаборніцтвы, школьны дзённік – пра мясцовую школу, засушаная кветачка – пра каханне, каляровая паштоўка – пра юнацкія мары і спадзяванні.

Прасякнуты памяццю прадмет набывае каштоўнасць сапраўднага экспаната.

Асабістая памяць кожнага жыхара – частка агульнай гісторыі горада, бо горад – гэта не толькі сухія лічбы і даты. Горад – гэта найперш тыя, хто ў ім жыве.

З вашай дапамогай мы паспрабуем ажывіць мінулае нашага роднага горада, прымусіць экспанаты загаварыць.

Што ж ад вас патрабуецца?

Прынясіце ў музей прадмет, які звязвае яго і вас з горадам Ашмяны, а таксама напішыце ці раскажыце нам гісторыю пра яго.

Сабраныя прадметы будуць экспанаваныя на працягу тыдня, а завяршыцца ўсё агульнай сустрэчай, дзе кожны атрымае магчымасць падзяліцца з прысутнымі гісторыяй свайго прадмета.

Прадметы, пагасцяваўшы ў музеі вернуцца па сваіх дамах, зоймуць свае належныя месцы, музею ж і ўсяму гораду застанецца самае галоўнае – гісторыя. Гісторыя мястэчка, якую расказалі яго жыхары…

Прымаем прадметы і гісторыі з 11 па 14 лютага, агульная сустрэча адбудзецца 15 лютага у 15:00.

Адрас музея: Ашмяны, вул.Савецкая, 128

Тэлефон для даведак 7 67 52, 7 67 53

Чакаем вас!афиша на конкурс

Поделиться в соц. сетях

Опубликовать в Facebook
Опубликовать в LiveJournal
Опубликовать в Мой Мир
Опубликовать в Одноклассники

Пока нет комментариев

Добавить комментарий

Ваш e-mail не будет опубликован. Обязательные поля помечены *

language / язык

Афіша

Афіша

Мы на Одноклассниках

Афіша