2018 — лепшае

6 лютага

Арт-калаж «Фотастужка з гісторыяй” – адкрыццё персанальнай фотавыстаўкі Уладзіміра Сіза “Пярэградзь і наваколле”.

Пярэградзь и наваколле2

Пярэградзь – маленькая вёска ў Мядзельскім раёне, якая з’яўляецца абагульняючым вобразам многіх беларускіх вёсак. Сюжэты фотаздымкаў розныя: дарагія сэрцу кожнага беларуса краявіды, а таксама людзі – сельскія жыхары з натруджанымі рукамі і такімі мудрымі вачыма. Выстаўка мінскага фатографа Уладзімара Сіза “Пярэградзь і наваколле” не пакіне раўнадушным ніводнага наведвальніка, закрануўшы самыя патаемныя струны вашай душы.

6 сакавіка – 8 красавіка

Камерцыйная выстаўка “Порхающие цветы”

Выставка Порхающие цветыСотні прыгожых экзатычных матылькоў  з усіх кантынентаў пацешаць погляд знатакоў прыгожага.  На выставе прадстаўлены матылькі рознага памеру, афарбоўкі і формы: дзённыя і начныя, атрутныя і цалкам бяскрыўдныя, шкоднікі і вельмі карысныя для чалавека. Тут можна  ўбачыць насельнікаў тропікаў і тых, хто жыве ў паўночных лясах, у гарах і на балотах, у Запаляр’і і пустынях Афрыкі. Выстава  будзе цікавая і дзецям, і дарослым.

12 красавіка

Агляд-інтэрв’ю “У гармоніі з сабой і сусветам” – адкрыццё  персанальнай выстаўкі жывапісу Уладзіміра Бізюка “Там, дзе ўтульна сэрцу”

Уладзімір Бізюк

Сярод ашмянскіх мастакоў імя дырэктара школы-інтэрната Уладзімір Бізюка вылучацца асобна. На карцінах Уладзіміра Аляксандравіча даўно “прапісаліся” краявіды Ашмяншчыны і Смаргоншчыны. Кожная работа здзіўляе рэалізмам, наведвальнік з лёгкасцю пазнае родныя  ўзлескі і пагоркі, ашмянскую царкву і гальшанскі млын, і нават старую лазню на беразе Віліі. Свае новыя работы аўтар прадстаўляе на выстаўца пад паэтычнай назвай “Там, дзе ўтульна сэрцу”.

18 мая

Міжнародная акцыя “Ноч музеяў – 2018”

«Па абодва бакі гістарычных кулісаў»

IMG_2963

Традыцыйна ў адзін з майскіх вечароў Ашмянскі музей адкрывае дзверы для наведвальнікаў. У гэты раз акцыя будзе праходзіць пад назвай “Па абодва бакі гістарычных кулісаў”. Госці музея змогуць акунуцца ў атмасферу старажытнасці, сустрэцца з гістарычнымі персанажамі, пабачыць тэатралізаванае прадстаўленне, паўдзельнічаць ў гульнях і віктарынах. Пачатак у 19.00.

12 чэрвеня – 10 жніўня

Камерцыйная выстаўка “ROBO ART”

Выстаўка ROBO ART

«Незвычайнае ў звычайным» … Менавіта так характарызуецца выстаўка «ROBO ART». Тут прадстаўлены футурыстычныя мадэлі робатаў, зброі, аўтамабіляў і касмічнай тэхнікі ручной работы. Экспазіцыя налічвае больш за 40 экспанатаў рознага памеру, сярод якіх ёсць статычныя мадэлі і робаты, якія рухаюцца. Усе экспанаты выкананы з металу і пластыка.

15 жніўня

Фотавернісаж “Гісторыя мястэчка ў аб’ектыве” – адкрыццё персанальнай фотавыстаўкі Валянціны Лабунінай “Гэтым ганарыцца Гальшанская зямля”

OLYMPUS DIGITAL CAMERA

Валянціна Сцяпанаўна Лабуніна — краязнаўца з Гальшан, якая любіць глядзець на свет праз аб’ектыў фотаапарата. За сваё жыццё яна зрабіла не адну сотню здымкаў, падрыхтавала мноства тэматычных выстаў. Першы снег на Гальшанскім замку, світанак над Гальшанамі, купалы мясцовай царквы у промнях сонца, залаты дождж новага ўраджаю, і канечне, ж чалавек працы – жыхар аграгарадка. Усё гэты вы знойдзеце на выстаўцы фотааматара з Ашмяншчыны.

27 верасня

Мастацкі эцюд «Сцяжынкамі памяці» — адкрыццё мастацкай выстаўкі Вінцэнта Мешкуця «Ашмянскія краявіды»

на сайт

Упершыню ў пасляваенны час работы ашмянскага майстра Вінцэнта Мешкуця вярнуліся ў Ашмяны. На выставе прадстаўлены 34 копіі работ мастака, на якіх адлюстраваны краявіды і помнікі Ашмяншчыны 1920-1930-х гадоў: віды горада Ашмяны, касцёл францысканцаў у Ашмянах, Гальшанскі замак, алея Снядэцкіх у Болтупе, помнік на магіле Енджэя Снядэцкага ў Гародніках, дом Часлава Янкоўскага ў Палянах і інш. 

27 лістапада

Адкрыццё выстаўкі з асабістай калекцыі Уладзіміра Багданава (г. Мінск) «Невядомыя старонкі забытай вайны»

Ашмяны. Базарная плошча. Пач. 20 ст. 1

Выстаўка мінскага калекцыянера і выдаўца Уладзіміра Багданава прымеркавана да 100-годдзя  заканчэння Першай сусветнай вайны. Увазе наведвальнікаў прадстаўлены паштоўкі з унікальнымі выявамі горада Ашмяны, мястэчак і вёсак Ашмяншчыны векавой даўнасці.

language / язык

Афіша

Афіша
События

Мы на Одноклассниках

Афіша