18 мая ў нашай ўстанове адбылося штогадовае мерапрыемства «Ноч музеяў», якое ў гэты раз мела назву «У свеце муз». Да Міжнароднага Дня музеяў для нашых наведвальнікаў было падрыхтавана нямала цікавых сюрпрызаў. Вашай увазе прапануецца хроніка падзей таго святочнага вечара:
Добры настрой гасцям мерапрыемства і проста прахожым дарыў ансамбль «Карусель» Ашмянскай дзіцячай школы мастацтваў.
У гэты час «гаспадары мерапрыемства» Францішак Багушэвіч і яго дачка Канстанцыя чакалі наведвальнікаў мерапрыемства і адных вельмі знатных асоб…
Імі аказаліся прадстаўніцы роду Агінскіх разам з Леанардам Ходзькам (у выкананні супрацоўнікаў ДзГКУ «Музей-сядзіба М.К. Агінскага», агр. Залессе Смаргонскага раёна).
Госці з Залесся павесялілі прысутных гульнёй у фанты…
Ды развучылі з жыхарамі Ашмян модныя ў ХІХ стагодді танцы: вальс, падэграс і польку.
Наступным сюрпрызам стала квэст-гульня «Зямля і людзі», згодна якой удзельнікі «Ночы музеяў» павінны былі правільна суаднесці населеныя пункты і знакамітых асоб, звязаных з імі.
У «тэатральная зале» кіраўнік народнага лялечнага тэатра «Капялюш» Андрэй Рэцікаў пазнаёміў наведвальнікаў са сваёй батлейкай…
Ды паказаў некалькі інтэрмедый.
Для жыхароў Ашмян гэты тэатр быў прадстаўлены ўпершыню.
Добры настрой напрыканцы мерапрыемства падарылі ўдзельнікі народнага сямейнага ансамбля «Граўжанцы».
Можна з упэўненасцю сказаць: свята адбылося!
Добавить комментарий