Фотавернісаж "Гісторыя пішацца аб\'ектывам"

Home
Новости
Фотавернісаж «Гісторыя пішацца аб’ектывам»

Фотавернісаж «Гісторыя пішацца аб’ектывам»

5 верасня ва ўстанове культуры “Ашмянскі краязнаўчы музей імя Ф.К. Багушэвіча” адбылося мерапрыемства “Гісторыя пішацца аб’ектывам”, прысвечаннае адкрыццю персанальнай фотавыстаўкі Аляксандра Наумчыка “#Мойгорад”.

Праект, створаны рэдактарам інтэрнэт-рэсурса газеты “Ашмянскі веснік”, дазваляе перанесціся на дзесяццігоддзі назад, ўбачыць і параўнаць архітэктуру нашага горада сёння і ўчора. Як прызнаўся аўтар, падчас стварэння фотакалажоў ён адкрыў для сябе ў Ашмянах шмат новага і нечаканага.

Немагчыма ўявіць твар кожнага горада без яго жыхароў, таму пачаў мерапрыемства персанаж “ашмянскі жыхар” (Піхтулаў В.П.), які ў вершаванай форме звярнуўся да мінулага нашага горада.

З адкрыццём першай персанальнай выстаўкі аўтара прыйшлі павіншаваць калегі і сябры. Слова ўзялі галоўны рэдактар газеты “Ашмянскі веснік” Г.М. Давідовіч і дырэктар Кальчунскай сярэдняй школы Я.С. Навіцкі.

Выставачны праект Аляксандра Наумчыка – гэта фотаадлюставанне сувязі часоў і сцвярджэнне таго, што мінулае існуе побач, трэба толькі захацець яго ўбачыць.