25 кастрычніка ва ўстанове культуры “Ашмянскі краязнаўчы музей імя Ф.К. Багушэвіча” адбылося мерапрыемства “Сведкі часу”, прысвечанае адкрыццю выставы “Гісторыя ў кашальку”. Удзельнікамі яго сталі вучні 8-х класаў сярэдніх школ № 1 і № 3 горада Ашмяны. Вядучыя мерапрыемства – навуковыя супрацоўнікі музея І. Бусловіч і В. Вінцаловіч — пазнаёмілі школьнікаў з гісторыяй грашовых знакаў, прапанавалі ў гульнявой форме пазнаёміцца з паняццем “натуральны абмен”, правялі невялікую віктарыну, а напрыканцы падрыхтавалі да паказу два відэафільмы з апісаннем працэса вырабу сярэбраных манет і папяровых банкнот. Нагадаем, што выстава “Гісторыя ў кашальку”, прысвечаная гісторыі грашовага звароту на тэрыторыі Беларусі, будзе працаваць ў Ашмянскім краязнаўчым музеі да сярэдзіны снежня бягучага года.
Добавить комментарий