1-2 кастрычніка бягучага года наш музей прымаў удзел у рабоце ІІІ-га Нацыянальнага форума «Музеі Беларусі», які адбыўся ў горадзе Магілёве. Пляцоўка Ашмянскага краязнаўчага музея стала месцам дыскусіі аб будучым лёсе будынка сінагогі нашага горада. Наведвальнікі форума актыўна цікавіліся дзейнасцю музея, а таксама з задавальненнем прымалі ўдзел у складанні пазла з выглядам адной з экспазіцыйных зал нашага музея.
У другі раз Ашмянскі краязнаўчы музей ад’язджае з форума з узнагародай. У гэты раз мы сталі пераможцамі ў спецнамінацыі «За лепшую партнерскую дзейнасць» і атрымалі ў падарунак ад Нацыянальнага гісторыка-культурнага музея-запаведніка «Нясвіж» ноутбук. 
Добавить комментарий