У чэрвені бягучага года навучэнцы малодшых і сярэдніх класаў Навасёлкаўскага ВПК, сярэдняй школы № 3 горада Ашмяны і Кальчунская сярэдняй школы сталі ўдзельнікамі квэст-гульні «Таямніца казачнага лесу». Музейны занятак быў праведзены ў экспазіцыйнай зале «Свет прыроды», насельнікі якой адзін за другім прапаноўвалі ўдзельнікам гульні розныя заданні. Выканаўшы заданне школьнікі атрымоўвалі кавалак пазла з выявай таямнічага звера, якога напрыканцы гульні можна было пабачыць цалкам. Выхаванцаў аздараўленчых лагераў чакалі шматлікія конкурсы, прагляды відэафільмаў і салодкія прызы. Чакаецца, што квэст-гульня стане любімым заняткам навучэнцаў Ашмянскага і суседніх раёнаў.
Добавить комментарий